Մալդիվյան Հանրապետության կառավարությունը որոշել է խզել Իրանի հետ 40-ամյա դիվանագիտական հարաբերությունները` դա բացատրելով նրանով, որ Մերձավոր Արեւելքում երկրի քաղաքականությունը կործանարար ազդեցություն է ունենում տարածաշրջանում խաղաղության եւ անվտանգության վրա:
AP-ի տվյալներով, Մալդիվների արտգործնախարարության հայտարարության մեջ ասված է, որ Մերձավոր Արեւելքում խաղաղությունը կապված է նաեւ երկրում խաղաղության, կայունության եւ անվտանգության հետ:
«Մալդիվյան Հանրապետությունը Իրանին կոչ է անում մեծ պատրաստակամություն եւ շոշափելի արդյունքներ ցուցադրել Իսլամական համագործակցության կազմակերպության եւ ՄԱԿ-ի հանձնարարականների իրականացման եւ կանոնադրություններին համապատասխանության առումով», — ասված է ԱԳՆ-ի հայտարարության մեջ: Գործակալությունը նշում է, որ 341 հազար բնակչությամբ հանրապետության տվյալ որոշումն արտացոլում է սերտ հարաբերությունները Սաուդյան Արաբիայի հետ, որը Իրանի վաղեմի մրցակիցն է, հայտնում է «ՌԻԱ Նովոստին»: Հաղորդվում է, որ անցյալ տարի Սաուդյան Արաբիայի իշխանությունները հանրապետությունում իրենց դեսպանատունն են բացել, ինչպես նաեւ կառավարությանը սուբսիդիաներ են տրամադրել եւ բանակցություններ են սկսել ներդրումային համաձայնագրերի շուրջ: