Հայաստանի բջջային օպերատորները պետք է միատեսակ սակագներ սահմանեն բոլոր ֆիքսված ցանցերի վրա: Այս մասին որոշումն ընդունվել է Հայաստանի հանրային ծառայությունների կագավորման հանձնաժողովի նիստի ժամանակ:
Որոշումը ընդունվել է բոլոր ֆիքսված ցանցերի օպերատորների շուկայում հավասար հնարավորություններ ստեղծելու համար: Նկատենք, որ դրանից հատկապես շահում է «Ռոստելեկոմը»՝ Հայաստանում հեռահաղորդակցության ոլորտի միակ խոշոր օպերատորը, որն ունի ֆիքսված կապ, բայց չունի բջջային կապ, դրա համար էլ կախում ունի բջջային օպերատորների կոնյուկտուրայից:
NEWS.am -ի թղթակցի հետ զրույցում «ԱրմենԹել» (Beeline ապրանքանիշ) ընկերության իավաբանական ծառայության ղեկավար Դավիթ Սանդուղչյանը հայտնեց, որ նույն սակագնային փաթեթի շրջանակում հնարավոր չի լինելու բջջային ցանցից ֆիքսված ցանցերից մեկին ավելի ցածր գնով զանգեր առաջարկել, քան մյուսներին: «Պետք է բացատրել, այս որոշումը չի պահանջում նման տեսակի զանգերի ստանդարտ սակագին բոլորի համար: Սակագները կարող են տարբեր լինել, բայց նույն փաթեթի սահմանում դրանք պետք է նույնը լինեն»,- ասել է Սանդուղչյանը: Հակառակ ուղղությամբ՝ ֆիքսված ցանցերից բջջայինին զանգելիս՝ նույնատեսակ որոշում արդեն իսկ գործում է:
