Մեծ Բրիտանիայի Իսթ Անգլիայի համալսարանը շրջանավարտներին արգելել է ավարտական հանդիսության ժամանակ օդ նետել ակադեմիական գլխարկներն այն բանից հետո, երբ շրջանավարտներից մեկը դեմքի լուրջ վնասվածք է ստացել:
Sky News հեռուստաալիքի փոխանցմամբ, ուսանողական հայտնի ավանդույթն արգելել են՝ «անվտանգության եւ առողջապահական նկատառումներով»: Համալսարանի ներկայացուցիչներն ուսանողներին առաջարկել են ոչ թե օդ նետել գլխարկները, այլ նետում «պատկերել», իսկ ավելի ուշ 8 ֆունտով համակարգչով մշակել լուսանկարները:
Ըստ ՌԻԱ Նովոստիի, ուսխորհրդի ներկայացուցիչ Լիեմ ՄաքՔեֆերթին «զայրացուցիչ» է կոչել այն, որ լուսանկարիչները լրացուցիչ գումար են պահանջել նկարների մշակման համար:
