Չի կարելի բացառել Միջերկրական ծովում Egyptair ավիաընկերության A320 օդանավի անհետացման որեւէ վարկած: Այս մասին հայտարարել է Ֆրանսիայի վարչապետ Մանուել Վալսը:
«Տեղեկատվությունն աստիճանաբար է ստացվում, անհապաղ ճգնաժամային կենտրոն է ստեղծվել՝ ուղեւորների ցուցակը ճշտելու համար... Ներկայումս ոչ մի ենթադրություն չի կարելի բացառել»,-ասել է Վալսը RTL ռադիոկայանի եթերում:
Նշենք, որ Փարիզից Կահիրե թռչող EgyptAir ավիաընկերությանը պատկանող A320 օդանավ ռադարներից կորել է այսօր՝ մայիսի 19-ի գիշերը: Օդանավում եղել է 66 մարդ, այն օդ է բարձրացել Շառլ դը Գոլի օդանավակայանից:
«Մայադին» հեռուստաալիքը՝ վկայակոչելով EgyptAir-ում իր աղբյուրները, Twitter-ի իր էջում հայտնել է, որ օդանավն ընկել է Միջերկրական ծովը: