USAID-ն եւս 1,2 մլն դոլար կհատկացնի Հայաստանում մասնավոր սեկտորի զարգացման համար: Համապատասխան որոշման նախագիծը կառավարությունն ընդունել է այսօր՝ մայիսի 19-ի իր նիստում:
Գումարը կհատվացվի մասնավոր ոլորտի մրցունակության եւ դիվերսիֆիկացման ծրագրի շրջանակներում: Այդ ծրագրով պայմանագիրը կնքվել է 2010 թվականին, եւ այդ ժամանակից ի վեր ամերիկյան կողմն արդեն հատկացրել է 55,1 մլն դոլար: Լրացուցիչ 1,2 մլն դոլարը կուղղվի մասնավոր սեկտորի զարգացմանն ուղղված նոր ծրագրերի իրականացմանը: