ԱՊՀ արդարադատության նախարարների խորհրդի որոշմամբ մայիսի 18-ին ՀՀ արդարադատության նախարարի տեղակալ Վիգեն Քոչարյանը նշանակվել է ԱՊՀ պետությունների իրավական փոխօգնության կատարելագործման հարցերով միջպետական աշխատանքային խմբի ղեկավար:
ՀՀ արդարադատության նախարարությունից NEWS.am-ին հայտնում են, որ Սանկտ-Պետերբուրգում ընթացող միջազգային իրավաբանական ֆորումի շրջանակներում մայիսի 18-ին «ԵՏՄ ակտերի դերը ազգային իրավական համակարգում» համաժողովին ելույթով հանդես է եկել ՀՀ արդարադատության նախարարի տեղակալ Վիգեն Քոչարյանը:
Փոխնախարարն անդրադարձել է ԵՏՄ իրավական համակարգի զարգացումներին, ինտեգրացիոն եւ ազգային իրավական համակարգերի փոխգործակցության խնդիրներին եւ ներկայացրել այդ ոլորտի հայաստանյան փորձն ու համագործակցության հեռանկարները:
