Վերաքննիչ դատարանն այսօր` մայիսի 19-ին, 500 հազար դրամ գրավի դիմաց ազատ է արձակել «Անալիտիկ» կայքի տնօրենի օգնական Վարդիթեր Գիշյանին, որը մեղադրվում է Տիգրան Ուրիխանյանից շորթում կատարելու մեջ:
NEWS.am-ի թղթակցին Գիշյանի փաստաբան Ստեփան Ոսկանյանը հայտնեց, որ մինչեւ օրվա վերջ իր պաշտպանյալը կլինի ազատության մեջ:
Հիշեցնենք, որ մայիսի 2-ին ԱԺ պատգամավոր Տիգրան Ուրիխանյանը դիմել էր հաղորդում էր տվել, որ «analitik.am» լրատվական կայքի տնօրենը կայքում պարբերաբար իր անձի, ընտանիքի անդամների, ինչպես նաև իր` որպես ԱԺ պատգամավորի գործունեությանը վերաբերող սուտ տեղեկատվություններ, զրպարտություններ և վարկաբեկիչ այլ նյութեր հրապարակելու կապակցությամբ հանդիպումներ է ունեցել իր հետ, և նմանօրինակ հրապարակումները չդադարեցնելու ու հետագայում նույնաբովանդակ այլ հոդվածներ հրապարակելու սպառնալիքով՝ իրենից պահանջել է յուրաքանչյուր ամիս վճարել 300 հազ. ՀՀ դրամ:
Կայքի տնօրեն Անի Հովհաննիսյանին ու նրա օգնական Վարդիթեր Գիշյանին մեղադրանք է առաջադրվել: Անի Հովհաննիսյանը կալանավորված է: