Զայրացուցիչ է, որ Գերմանիայի արտգործնախարար Ֆրանկ Վալթեր Շթայնմայերը թույլ է տալիս Թուրքիայի նախագահ Էրդողանի կողմից ճնշման ենթարկվել։ Այս մասին ասել է Գերմանիայի Բունդեսթագի «Ձախեր» խմբակցության պատգամավոր Ուլլա Յելփքեն՝ NEWS.am-ի թղթակցի խնդրանքով մեկնաբանելով Շթայնմայերի այն հայտարարությունը, թե ինքը բավական հոռետեսորեն է տրամադրված Բունդեսթագում ցեղասպանության բանաձեւի ընդունման հարցում։
«Զայրացուցիչ է, որ նման բան է ասում սոցիալ-դեմոկրատական կուսակցության ներկայացուցիչը։ Միանշանակ է, որ նա իրեն թույլ է տալիս Էրդողանի ճնշման տակ մնալ։ Հունիսի 2-ին ցեղասպանության մասին բանաձեւի քննարկումներում մենք միանշանակ հարձակում կգործենք Շթայնմայերի դեմ այդ պատճառով»,- ասել է Ուլլա Յելփքեն։