ԱՊՀ-ի գործադիր կոմիտեի նախագահ Սերգեյ Լեբեդեւը մասնակից երկրների հատուկ ծառայություններին կոչ է արել թույլ չտալ Համագործակցության փլուզումը:
«ԱՊՀ-ի երկրների միասնությունը ոչ միայն Համագործակցության անվտանգության երաշխիքն է, որպես այդպիսինի, այլեւ մեր պետություններից յուրաքանչյուրի անվտանգության: Երբ մենք միասին ենք, կարող ենք լուծել ամենաբարդ խնդիրներ», — հայտնել է Լեբեդեւը մայիսի 19-ին Մինսկում ԱՊՀ-ի երկրների անվտանգության եւ հատուկ ծառայությունների մարմինների ղեկավարների խորհրդի 40-րդ նիստին:
«Շատ թշնամիներ կային, որոնք փորձում էին ավերել Խորհրդային Միությունը եւ ցավոք սրտի, նրանց դա հաջողվեց: Հավանաբար լսել եք, որ միջազգային թատերաբեմում քիչ չեն հայտարարությունները, որ չի կարելի միավորում թույլ տալ Եվրասիական միությունում, որովհետեւ դա որոշակի սպառնալիք կբերի մի կողմից Արեւմուտքի համար, իսկ մյուս կողմից` Արեւելքի: Այսօր դուք, որպես հատուկ ծառայությունների ղեկավարներ, գիտեք, որ ԱՊՀ-ն ավերելու անվերջ ջանքեր են ձեռնարկվում: Որովհետեւ «բաժանիր, որ տիրես» սկզբունքն առաջվա պես ներկա է միջազգային թատերաբեմում: Ես ձեզ եմ դիմում. պահպանեք Համագործակցությունը, որովհետեւ դա մեր ընդհանուր անվտանգության երաշխիքն է», — ասել է գործադիր կոմիտեի նախագահը:
Նրա կարծիքով անվտանգության ապահովման հարցում համագործակցությունը ԱՊՀ-ի երկրների փոխգործակցության առաջնահերթ ոլորտներից մեկն է մնում, հայտնում է «ՌԻԱ Նովոստին»: