Ամերիկյան Վիրջինիա նահանգի բնակչուհու մահը բացատրել են այն հանգամանքով, որ նա չի ցանկացել ընտրություն կատարել ԱՄՆ նախագահի թեկնածուներ Դոնալդ Թրամփի եւ Հիլարի Քլինթոնի միջեւ: Մահախոսականը հրապարակվել է Richmond Times-Dispatch-ում:
«Բախվելով Դոնալդ Թրամփի եւ Հիլարի Քլինթոնի միջեւ ընտրություն կատարելու անհրաժեշտությանը՝ Ռիչմոնդի բնակչուհի Մերի Էնն Նոլենդը նախընտրել է միանալ Աստծուն»,- ասված է հրապարակման մեջ:
NBC12-ի տեղեկացմամբ, մահախոսականը գրել է Նոլենդի որդին, որը ցանկացել է հիշեցնել մոր հումորի զգացողության մասին: Իրականում 68-ամյա ամերիկուհին մահացել է թոքերի քաղցկեղի հետեւանքով:
Ըստ Lenta-ի, Նոլենդը բուժքույր էր, 10 թոռ ուներ: Կինն ամուսնու հետ 46 տարի է ապրել:
