Իտալական Նեապոլում աշխարհի ամենաերկար պիցցան են պատրաստել: The Local-ի փոխանցմամբ, դրա երկարությունը կազմել է 1854 մետր:
Ռեկորդային երկարությամբ պիցցան պատրաստել են 250 խոհարարներ, 6 ժամ եւ 11 րոպեում:
Ըստ Lenta-ի, խոհարարներն ավելի քան 2 հազար կգ ալյուր, 1.6 հազար կգ տոմատի մածուկ, 2 հազար կգ մոցարելլա պանիր, 200 լիտր ձիթապտղի ձեթ եւ 30 կգ ռեհան են օգտագործել:
Գինեսի ռեկորդների գրքի ներկայացուցիչներն արձանագրել են խոհարարական ձեռքբերումը, ինչից հետո պիցցայի կտորները բաժանել են բարեգործական կազմակերպությունների՝ քաղաքի կարիքավոր բնակիչներին փոխանցելու համար: