Ճապոնիայի Օկիանավա կղզում 20-ամյա աղջկա սպանության կասկածանքով կալանավորվել է ԱՄՆ քաղաքացի Քեննեթ Ֆրանկլինը։
Ոստիկանությունը ֆորմալ առումով 32-ամյա տղամարդուն դեռ կասկածում է այն բանի մեջ, որ նա ազատվել է աղջկա մարմնից, սպանության մեղադրանք դեռ չի ներկայացվել։ Հայտնի է, որ կալանավորվածը քաղաքացիական անձ է եւ աշխատում է Կադենի ամերիկյան բազայում։ Նրան կալանավորել են 20-ամյա ճապոնուհի Ռինա Սիմաբուկուրոյի մարմնից ազատվելու համար։ Աղջիկն անհետ կորած էր համարվում ապրիլից, փոխանցում է ՏԱՍՍ-ը։
ԱՄՆ Պենտագոնի մամուլի խոսնակ Փիթեր Քուքն ասել է, որ գերատեսչությունը հետաքննության հետ լիակատար համագործակցություն կապահովի։ Պետդեպի պաշտոնական ներկայացուցիչ Ջոն Քիրբին իր ցավակցությունն է հայտնել աղջկա սպանության կապակցությամբ։