Եգիպտոսի զինված ուժերը միջերկրածովյան Ալեքսանդրիա քաղաքից 290 կմ հեռավորության վրա հայտնաբերել են եգիպտական EgyptAir ընկերության անհետացած ինքնաթիռի բեկորները, հայտնել է եգիպտական պետական հեռուստատեսությունը:
Միաժամանակ, ինչպես հայտնել է «ՕՆ-ԹՎ» հեռուստաալիքը, հայտնաբերվել են նաեւ ուղեւորների անձնական իրերը:
Որոնումները շարունակվում են, հայտնում է «ՌԻԱ Նովոստին»:
EgyptAir ավիաընկերության ուղեւորատար ինքնաթիռը, որը Փարիզից Կահիրե էր թռչում MS804 չվերթով, ռադարներից անհետացել էր հինգշաբթի վաղ առավոտյան Միջերկրական ծովում Եգիպտոսի օդային տարածքում: Ինքնաթիռում 66 ուղեւոր եւ անձնակազմի անդամ է եղել: