EgyptAir ավիաընկերության անհետացած Airbus A320 օդանավի բորտուղեկցորդուհին մոտ 2 տարի առաջ Facebook-ում խորտակվող օդանավի ֆոնին լուսանկար էր տեղադրել, հայտնում է Al-Masry Al-Youm-ը։

Ֆոտոշոփով մշակված լուսանկարի վրա աղջիկը թաց հագուստով դուրս է գալիս ծովից՝ ձեռքին բռնած ուղեբեռի ճամպրուկը, իսկ նրա հետեւի ֆոնին օդանավ է խորտակվում։ Սամար Էզ Էլդինը իր լուսանկարը տեղադրել էր 2014թ. սեպտեմբերի 26-ին՝ ավիաընկերությունում աշխատանքի անցնելուց մի քանի ամիս առաջ։

Հիշեցնենք, որ Փարիզ-Կահիրե չվերթն իրականացնող EgyptAir-ի A320 օդանավը մայիսի 19-ին Միջերկրական ծովի վրա՝ Եգիպտոսի տարածքում, անհետացել էր ռադարների էկրաններից։ Օդանավում եղել է 66 ուղեւոր եւ անձնակազմի անդամ։