Անկասկած հասարակությանն ավելի հաճելի է տեսնել, որ պաշտոնյաների ծախսերը չափավոր են։ Այս մասին մայիսի 20-ին Ազգային Ժողովի ավանդական ճեպազրույցներին հայտնել է ԲՀԿ պատգամավոր Միքայել Մելքումյանը՝ անդրադառնալով լրատվամիջոցներում հայտնված այն հրապարակումներին, որ գեներալ Մանվել Գրիգորյանի ժամացույցը 12 հազար դոլար արժի։
«Ես 400 դոլար արժողությամբ ժամացույց եմ գնել։ Եվ ապրանքանիշը շատ հայտնի չէ։ Ընդհանուր առմամբ, ծախսերը պետք է խելամիտ եւ արդարացված լինեն։ Այդ ժամանակ դրանց ըմբռնումով կմոտենան»,- ասել է Մելքումյանը։
