Եվրասիական տնտեսական միության Մաքսային օրենսգրքի ընդունումը ձգձվել է, անհրաժեշտ է մոտակա ժամանակներս ամրագրել այդ փաստաթղթի ստորագրման ճշգրիտ ամսաթիվը, հայտնել է Ռուսաստանի վարչապետ Դմիտրի Մեդվեդեւը Երեւանում Եվրասիական միջկառավարական խորհրդի ընդլայնված կազմով նիստին:
«Եվրասիական տնտեսական միության Մաքսային օրենսգրքի ընդունումն անկասկած կարեւորագույն նպատակ է: Դրա համաձայնեցումը ձգձգվել է: Մենք աջակցում ենք դա հնարավորինս արագ անելու, ճանապարհի մնացած մասն անցնելու գաղափարին: Այսօր մենք կարող էինք սկզբունքորեն ամրագրել այդ կարեւոր փաստաթղթի ընդունման վերջնական ամսաթիվը», — ասել է Մեդվեդեւը, հայտնում է «ՌԻԱ Նովոստին»:
Օրենսգիրքը պիտի միավորի եւ պարզեցնի մաքսային կառավարման գործընթացները, դրանք պարզ եւ կանխատեսելի դարձնի բիզնես համագործակցության համար, ինչպես նաեւ հարմար` գործածության համար, նշել է Ռուսաստանի վարչապետը:
