Մեծ Բրիտանիայի Փերանփորթ քաղաքի լողափին ոստիկանները մահացած մերկ կնոջ կերպար են ստեղծել ավազից։ Նրանք հաղթել են սիրողական քանդակների մրցույթում, գրում է Metro-ն։

Պարբերականի տեղեկություններով՝ այն բանից հետո, երբ ոստիկանները Twitter –ում հրապարակել են մրցանակային տեղը շահած քանդակի լուսանկարը, օգտատերերը սկսել են քննադատել մրցույթի հաղթողին։

Քննադատություններին միացել է նաեւ հարեւան Ֆալմութ քաղաքի քաղաքային խորհրդի անդամ Հանա Թոմսը, որը կարծում է, որ առափնյա քաղաքում քանդակը կարող է մարդկանց հիշեցնել մտերիմների մասին, որոնք խեղդվել են։