Լոռու մարզի Դեբետ գյուղում մայիսի 20-ի երեկոյան շուրջ 15 րոպե ուժեղ կարկուտ է տեղացել, ինչի հետեւանքով ցանքատարածություններն ու բանջարաբոստանային կուլտուրաները վնասվել են ամբողջությամբ:
Բնակիչները NEWS.am-ի հետ զրույցում նշել են, որ մշակաբույսերի մեծ մասը դժվար կարողանա այլեւս վերականգնվել: Գյուղում հակակարկտային կայաններ տեղադրված չեն: Նմանատիպ կարկտահարություն համայնքում չեն հիշում:
Կարկուտն ու սելավաջրերն այնքան ուժեղ են եղել, որ լուրջ վնաս են պատճառել նաեւ ներհամայնքային ճանապարհներին:
Գյուղացիներն ակնկալում են պետական աջակցութուն՝ վնասների փոխհատուցման տեսքով: