Վրաստանի եւ Աբխազիայի սահմանին Խուրչա գյուղում սպանությունը արձանագրել են այնտեղ տեղադրված անվտանգության տեսախցիկները: Վրացական «Ռուսթավի 2» հեռուստաալիքը հրապարակել է միջադեպի տեսագրությունը, որը վերցվել էր անվտանգության տեսախցիկից: Տեսագրության վրա ձայն չկա, այն 1 րոպե 48 վայրկյան է տեւում: Դրանում երեւում է, թե ինչպես է մարդկանց կուտակման վայր վազում չորս տղամարդ: Նրանք հարձակվում են մի մարդու վրա, նա ընկնում է, իսկ ականատեսները սկսում են փախչել: Դրանից հետո բոլոր չորսը փախչում են դեպքի վայրից:
Աբխազիայի ռազմական դատախազությունը քրեական գործ է հարուցել Աբխազիայի Պետանվտանգության ծառայության սահմանային ջոկատի զինվորականի նկատմամբ Վրաստանի քաղաքացու կանխամտածված սպանության համար, հայտնում է Աբպազիայի Գլխավոր դատախազության մամուլի ծառայությունը:
Գերատեսչության վարկածով, մայիսի 19-ին երկու տղամարդ, փորձելով առանց փաստաթղթի անցնել սահմանը, կանգնեցվել են սահմանապահների կողմից: Խախտողներից մեկը, ենթարկվելով, որոշել է հետ գնալ, իսկ երկրորդը` անսթափ վիճակում լինելով, փորձել է խեղդել սահմանապահին, հայտնել է հանրապետության գլխավոր դատախազ Ալեքսեյ Լոմիան: Աբխազիայի պետանվտանգության ծառայության աղբյուրների վարկածով, սահմանապահը ստիպված է եղել զենք կիրառել, երբ հարձակվողը բռնել է նրա օձիքից:
Վրաստանի Պետական անվտանգության ծառայության տեղեկության համաձայն, միջադեպին չորս զինված անձ է մասնակցել, որոնք հրազենից մահացու վիրավորել են Օտխոզորիային: Տուժածը, որը միջադեպի հետեւանքով բազմաթիվ վնասվածքներ է ստացել ստամոքսի հատվածում, բուժօգնության ծառայության կողմից հասվել է հիվանդանոց, որտեղ հետագայում մահացել է: Օտխոզորիան բախում է ունեցել սահմանապահների հետ, որոնք նրան թույլ չեն տվել Աբխազիա մթերքներ տանել, պնդում են սպանվածի հարազատները:
Աբխազիայի գլխավորբդատախազությունը դիմել է հանրապետության ՆԳՆ, որպեսզի Անդրկովկասում Կայունության եւ անվտանգության ժնեւյան բանավեճերի շրջանակում, որոնք տեղի կունենան 2016-ի հունիսի 14-15-ին, տվյալ փաստի վերաբերյալ Վրացական մարմիններից նյութեր ստանա հետաքննության ընթացքում օգտագործելու համար: Դա կապված է այն բանի հետ, որ Աբխազիայի հետաքննական մարմինները ապացույցներ հավաքելու սահմանափակ հնարավորություններ ունեն, որովհետեւ դեպքը տեղի է ունեցել Վրաստանի սահմանին: