Աղվեսի ձագը փրկվել է գետնանշի յուղով տարայի թակարդն ընկնելուց հետո, հայտնում է Gazeta-ն` վկայակոչելով The Mirror-ին:
Գետնանուշ անունով փոքրիկ աղվեսը, որն ընդամենը երեք շաբաթ առաջ էր ծնվել, հայտնաբերվել է Մեծ Բրիտանիայի հարավում Ուիլտշիրի կոմսության դիակիզարանի տարածքում. նա փորձում էր տարան ջարդել` հարվածելով գերեզմանաքարին:
Վայրի կենդանիների փրկության Creatures in Crisis կազմակերպության ղեկավար, 40-ամյա Քեվին Դրյուն տեղ է հասել եւ աքցանի օգնությամբ տարան հանել է կենդանու գլխից:
Մասնագետի խոսքով, կենդանին երկար էր մնացել տարայում եւ եթե այն ժամանակին չհանեին գլխից, աղվեսը կարող էր շնչահեղձ լինել:
Նա նշել է, որ մեծ հաջողություն էր այն, որ տարան պլաստիկե էր, ոչ թե ապակե:
Ներկայումս կենդանուն հոգ են տանում կազմակերպության շենքում եւ պատրաստվում են մոտ ժամանակներս դարձյալ բաց թողնել բնության գիրկ: