Լոռու մարզի Անտառաշեն գյուղի մոտ գտնվող լճակում այսօր՝ մայիսի 21-ին, 12-ամյա երեխա է խեղդվել: NEWS.am-ի հետ զրույցում գյուղապետ Ռաֆիկ Խառատյանը նշեց, որ երեխան իր հասակակից երկու ընկերների հետ գնացել է գյուղից 300 մետր հեռու գտնվող լիճ եւ որոշել է լողալ՝ ջուրը սառն է եղել, մտել է լիճ եւ միանգամից խեղդվել:
«Մտել ա, որ լողանա, սառն է եղել, խեղդվել է: Երկու ընկերների հետ է եղել, ասել են՝ մի մտի, չի լսել: Հետո մեծերին են ասել, մինչեւ գնացել են, խեղդված է եղել»,-ասաց գյուղապետը:
12- ամյա Արկադի Ասլանյանը Անտառաշեն գյուղի բնակիչ էր:
