ԽՍՀՄ առաջին եւ վերջին նախագահ Միխայիլ Գորբաչովը Ղրիմի հետ կապված իրադրության ժամանակ կաներ նույնը, ինչ արեց Ռուսաստանի նախագահ Վլադիմիր Պուտինը: Ըստ ՏԱՍՍ-ի, այս մասին Գորբաչովը հայտարարել է Sunday Times-ին տված հարցազրույցում:
«Ես միշտ սատարել եմ մարդկանց ազատ կամարտահայտությունը, իսկ Ղրիմի մեծ մասը ցանկանում էր միանալ Ռուսաստանին»,- ասել է Գորբաչովը:
Պատասխանելով հարցին, արդյո՞ք Ղրիմի հարցում ինքը նույնպես նույն սցենարին կհետեւեր, ԽՍՀՄ նախագահը նշել է. «Միակ բանը, որի պատճառով ես դա չէի անի, այն է, որ եթե ես իշխանության գլուխ մնայի, Խորհրդային Միությունը դեռ գոյություն կունենար, եւ Ղրիմը դրա մաս կկազմեր»:
