Կիեւի քաղաքապետ Վիտալի Կլիչկոն որոշում է կայացրել խորհրդային հուշարձանները պահել Ժուլյանի օդանավակայանի բաց հրապարակներից մեկում:
Ըստ «Մոսկովսկի կոմսոմոլեցի», նրա խորհրդական Դմիտրի Բելոցերկովեցը պարզաբանել է, որ հուշարձանների պահպանման համար վայրը պետք է ընտրեր քաղաքային խորհուրդը, բայց այն մինչեւ հիմա որոշում չի կայացրել, այդ պատճառով Կլիչկոն պահպանման ժամանակավոր վայրի մասին կարգադրություն է ստորագրել:
Քաղաքապետի խորհրդականի խոսքով, ներկայում բանակցություններ են ընթանում Ազգային ավիացիոն համալսարանի հետ՝ խորհրդային շրջանի նրանց հուշարձանների ցուցանմուշների շարքը հարստացնելու ուղղությամբ:
Այդպիսի թանգարաններ են ստեղծվել Բալթյան երկրներում եւ Լեհաստանում: