Թուրքիայում մայիսի 22-ին իշխող «Արդարություն եւ զարգացում» կուսակցության արտահերթ համագումարի ժամանակ լրագրողները հետաքրքիր դեպք են ֆիքսել։

Թուրքական Cumhuriyet-ի փոխանցմամբ՝ Թուրքիայի արդեն նախկին վարչապետ Ահմեդ Դավութօղլուն եւ իր կինը համագումարի ընթացքում մինչ իրենց տեղերը զբաղեցնելը ձեռքսեղմումներով անցել են առաջին շարքում գտնվող նախարարների մոտով։ 

Այն պահին երբ Ահմեդ Դավութօղլուն եւ իր կինը՝ Սարե Դավութօղլուն անցել են Էրդողանի փեսա, էներգետիկայի նախարար Բերաթ Ալբայրաքի մոտով, Սարե Դավութօղլուն ձեռքը պարզել է, սակայն Էրդողանի փեսան հրաժարվել է սեղմել այն՝ Դավութօղլուի կնոջ ձեռքը թողելով օդում։