Հայաստանի արտգործնախարար Էդվարդ Նալբանդյանը ժամանել է Բրյուսել՝ ԵՄ-ի ու «Արեւելյան գործընկերություն» ծրագրի երկրների արտգործնախարարների հանդիպմանը մասնակցելու համար:
ԵՄ արտգործնախարարների հանդիպումը Հայաստանի, Ադրբեջանի, Բելառուսի, Վրաստանի, Մոլդովայի ու Ուկրաինայի իրենց գոծընկերների հետ կկայանա մայիսի 23-ին
«Սա շատ կարեւոր հանդիպում է՝ անցած տարի Ռիգայում կայացած երկու գագաթնաժողովների ու հաջորդ տարի ծրագրվող գագաթնաժողովի մեջտեղում»,- հանդիպումից առաջ լրագրողներին ասել է ԵՄ արտաքին քաղաքականության հարցերով ղեկավար Ֆեդերիկա Մոգերինին:
Նա շեշտել է, որ ԵՄ-ի համար խիստ կարեւոր է պահպանել հավասարակշռությունը «դեպի հարավ ու դեպի արեւելք մեր մտադրությունների միջեւ»
Տարբեր հարցեր, նույնիսկ եթե դրանք դուրս են մնում հիմնական լրահոսից, շարունակում են առաջնահերթ մնալ Եվրամիության օրակարգում, հավաստիացրել է Մոգերինին՝ հավելելով, որ «խոսքը մեր աշխատանքի մասին է Ուկրաինայի, Վրաստանի, Մոլդովայի, Բելառուսի, Հայաստանի ու Ադրբեջանի հետ, որոնց նախագահներին ես հանդիպել եմ անցած շաբաթ Վիեննայում»:
