2015-ին Հայաստանի արտակարգ իրավիճակների նախարարությունը սահմանամերձ շրջանների բնակիչների համար քաղաքացիական պաշտպանության դասընթացներ է իրականացրել: Այդ մասին մայիսի 23-ին Հայաստանի խորհրդարանում հայտնել է արտակարգ իրավիճակների փոխնախարար Հայկարամ Մխիթարյանը` ելույթ ունենալով 2015-ին պետբյուջեի իրականացման հաշվետվության ընթացքում, որի վերաբերյալ քննարկումներ են ընթանում Ազգային Ժողովի հանձնաժողովներում:
Մխիթարյանի խոսքով, ԱԻՆ-ն այդ շրջաններում ստացիոնար կետեր ունի: Դրանց օգնությամբ բացատրական աշխատանք է կատարվել վտանգի դեպքում անհրաժեշտ գործողությունների մասին: Աշխատանքներ են շարունակվում նաեւ բնակչության համար ապաստանների կառուցման ուղղությամբ: