Պետ է կոռուպցիայի առաջացման պատճառները թվարկել, հետո տեսնել, թեայդ ուղղությամբ ինչ է արված. եթե պետական կառավարման համակարգը սոցիալապես պաշտպանված չէ, իսկ պաշտոնյան չի ստանում այն աշխատավարձը, որը հնարավորություն կտա իր անձնական կարիքները բավարարել, այդ ռիսկը միշտ լինելու է: Այսօր Ազգային ժողովում լրագրողների հետ զրույցում ասաց ՊԵԿ փոխնախագահ Արմեն Ալավերդյանը:
«Ես չեմ կարծում, որ պաշտոնյաներն այնքան անմիտ ու անգրագետ են, որ հայտարարագրում է մեծ գումարներ, դրա հիմքերը չունի: Հաստատ իմացեք, որ հիմքերը ունի»,-ասաց նա:
Անդրադառնալով դիտարկմանը, որ հայտարարագրված ունեցվածքի եւ նրանց եկամուտների միջեւ ահռելի տարբերություն կա, Ալավերդյանն արձագանքեց. «Պետական պաշտոնյաներն ավելի լավ է հայտարարեն իրենց եկամուտները, պետությունը իմանա, որ իրենք այդքան եկամուտ ունեն, որ հետո հսկենք, տեսնենք, թե այդ եկամուտներն ինչի վրա ծախսվեց: Երկրորդ՝ եթե պետական պաշտոնյան ընդհանրապես չի հայտարարագրում իր եկամուտները, դա ավելի վտանգավոր է»:
Ինչ վերաբերում է հարցին, թե որտեղից պաշտոնյաների եկամուտները, Ալավերդյանն ասաց. «Միշտ էլ այդ հարցը դրվում էր՝ ինչ-որ պահից մենք պե՞տք է հարց բարձարցրենք, թե որտեղից այդ եկամուտները: Պատկերացրեք, օրենքում հնից եկած եկամտի աղբյուրի հետ կապված չկա պահանջ, իսկ ընթացիկ եկամուտը պետք է ցույց տան՝ որտեղից:
Ես չեմ կարծում, որ եթե մի պաշտոնյա փող է հայտարարագրել, դա կոռուպցիայի հետ նույնանուն է: Ես կոռուպցիան ավելի շատ տեսնում են այնտեղ, որ կա պաշտոնյա, որը պարզապես կարողանում է իր բոլոր ծախսերը հոգալ եւ այդ ամենի համար ծախսել ընամենը 2 մլն դրամ»,-ասաց ՊԵԿ փոխնախագահը:
