Գերմանիայի կանցլեր Անգելա Մերկելը Թուրքիա կատարած այցի ժամանակ նախագահ Ռեջեփ Թայիփ էրդողանի հետ հանդիպման ժամանակ կքննարկի Հայոց ցեղասպանության թեման։ Այս մասին հայտնում է Frankfurter Allgemeine Zeitung—ը։

Պարբերականի տեղեկություններով՝ հանդիպման օրակարգում մյի քանի հարց է դրված՝ Թուրքիայի կողմից Հայոց ցեղասպանության ժխտումը, Թուրքիայում մամուլի ազատությունը, փախսստականների ճգնաժամը, պատգամավորներին հալածելը եւ երգիծաբան Յան Բյոմերմանի դեպքը։

Հիշեցնենք, որ ավելի վաղ Spiegel-ը հայտնել էր, որ Գերմանիայի Բունդեսթագը որոշել է դատապարտել Օսմանյան Կայսրությունում Հայոց ցեղասպանությունը` հունիսին ներկայացվելիք բանաձեւի վերնագրում օգտագործելով հենց ցեղասպանություն եզրը։