Ղարաբաղյան հարցում, մինչեւ առաջիկա խորհրդարանական եւ նախագահական ընտրությունները, կարող են շրջադարձային պահեր լինել: Այդ մասին հոկտեմբերի 1-ին լրագրողների հետ հանդիպմանը հայտարարել է «Նոր ժամանակներ» կուսակցության առաջնորդ Արամ Կարապետյանը:
«Առաջին դեպքում կարող են ստիպել կողմերին պայմանագիր կնքել: Երկրորդ դեպքում, Ադրբեջանը կարող է հասնել նրան, որ ԵԱՀԿ Մինսկի խմբում ընդգրկվեն Թուրքիան կամ Իրանը: Բայց այդ, փոփոխությունը նշանակելու է վերադառնալ այսպես կոչված «օկուպացված» տարածքներին»,- կանխատեսել է Կարապետյանը:
Բացի այդ, նա նշել է, որ ղարաբաղյան հակամարտության կարգավորման ուղղությամբ Արեմուտքը Հայաստանի համար «Ցյուրիխ-2» ծրագիր է պատրաստում. «Դրա վկայությունը Հայաստանի խորհրդարանի նախագահ Հովիկ Աբրահամյանի այցն է Շվեյցարիա: «Ցյուրիխ-2» ձեւաչափում Հայաստանին կառաջարկեն հանձնել շրջանները, բացել սահմաններն ու դրա դիմաց գումար ստանալ»:
Կարապետյանի կարծիքով, Մեդվեդեւի՝ Հայաստան անօգուտ այցից հետո, գործընթացը ղեկավարում է ԱՄՆ-ը. «ԱՄՆ-ը եւ Եվրոպան ուշադիր հետեւել են Սարգսյանին, երբ նա Թուրքիայի հետ ստորագրում էր արձանագրությունները, ապա գնաց Ֆրանսիա եւ նրան քարկոծեցին: Նրանք մտածեցին՝ եթե մարդը արձանագրություններ է ստորագրում, իսկ ազգը գնում է նրա հետեւից, թող ուրեմն Մեդվեդեւը կատարի իր առաքելությունը: Այսինքն, եթե անգամ Մեդվեդեւի բարեկամական խորհուրդներից հետո Սարգսյանը ստորագրի, միեւնույն է, դա ոչինչ չի նշանակում, իրավիճակը փոխվել է: Ահա թե ինչու ԱՄՆ-ը որոշեց նախաձեռնությունը վերցնել իր ձեռքը»:
Կարապետյանը նշել է նաեւ, որ տվյալ պահին Հովիկ Աբրահամյանը Շվեյցարիայում մեկ այլ առաքելություն է իրականացնում, ստուգում է ընդդիմության բանկային հաշիվները. «Այդուհանդերձ, դա Շվեյցարիան է»:
