Մեքսիկայի արեւմուտքում մայիսի 23-ին ուղեւորատար ավտոբուսի եւ բեռնատարի մասնակցությամբ ավտովթարից առնվազն 30 մարդ է տուժել: Ավտովթարը տեղի է ունեցել Միչոականի նահանգում՝ Մորելիա-Մարավատիո մայրուղու վրա, հայտնում են նահանգի քաղաքացիական պաշտպանության ուժերի ներկայացուցիչները, փոխանցում է ՏԱՍՍ-ը:
Նախնական վարկածի համաձայն՝ բեռնատարը անհայտ պատճառով դուրս է եկել հանդիպակաց գիծ եւ բախվել ավտոբուսին: Ավտոբուսի առաջնային մասը ջախջախվել է, իսկ բեռնատարի շարժիչը գրեթե պոկվել է: Ավտոբուսի ուղեւորները հոսպիտալացվել են:
Իրավապահները հետաքննում են միջադեպը: