ՀՀ կառավարությունը հնարավորության դեպքում գործուղումները փոխարինում է հեռախոսային հեռուստակամուրջներով: Այս մասին մայիսի 24-ին լրագրողներին ասել է Կառավարության աշխատակազմի ղեկավար Դավիթ Հարությունյանը:
Դրա համար Կառավարությունում կա սարքավորումներով հագեցած սրահ անհրաժեշտ տեխնիկայով, որը թույլ է տալիս տնտեսել գործողումների վրա, եթե դրանց կարիքը չկա:
«Այդուհանդերձ, ինչ-որ այցելություններից անհնար է հրաժարվել: Ուղղակի հիմա մենք սկսում ենք ավելի շատ ուշադրություն դարձնել նրան, թե պե՞տք է արդյոք մասնակցել որեւէ միջազգային փաստաթղթի շուրջ քննարկումներին, եւ ի՞նչ մենք դրանից կշահենք: Կա՞ արդյոք ռիսկ, որ, առանց մեր ներկայության, փաստաթուղթը մեզ համար անընդունելի տեսք կունենա: Եթե այո, այդ դեպքում մեկնում ենք, եթե ոչ՝ ոչ», - ասել է Հարությունյանը:
