Ղարաբաղյան հակամարտության գոտում մշտադիտարկման մեխանիզմների ներդրումից հետո հրադադարի խախտողին պետք կլինի անվանական կոչել: Այս մասին մայիսի 24-ին ասել է ԱԺ փոխոսնակ Էդուարդ Շարմազանովը իր գերմանացի գործընկեր Էդելգարդ Բուլմանի հետ համատեղ ճեպազրույցի ժամանակ:
Հանդիպման ընթացքում հայկական կողմը գերմանական կողմին ներկայացրեց տեղեկություններ Լեռնային Ղարաբաղի զինվորականների ու խաղաղ բնակչության նկատմամբ Ադրբեջանի ագրեսիայի ու հանցագործությունների վերաբերյալ: Հայկական կողմը կարեւոր է համարում խաղաղ կարգավորումը երեք սկզբունքների հիման վրա՝ ԵԱՀԿ Մինսկի խմբի շրջանակում: Դրա համար պետք է կատարել Վիեննայում Հայաստանի ու Ադրբեջանի նախագահների մասնակցությամբ հանդիպման ժամանակ ձեռքբերված համաձայնությունները, որոնց մասին հայտարարել են նաեւ ԵԱՀԿ Մինսկի խմբի ղեկավար երը: Այս իմաստով գերմանական կողմը նույնպես ընդունում է այդ առաջարկները, ինչի մասին հայտնել է Գերմանիայի արտգործնախարար Ֆրանկ Վալտեր Շտայնմայերը, իսկ այսօր էլ՝ Բունդեսթագի փոխխոսնակը, հավելել է նա:
«Մենք կարեւոր ենք համարում վստահության ու հետաքննման մեխանիզմների ներդրումը, քանի որ վստահությունն ու մշտադիտարկումը հնարավորություն կտան հավասարության նշան չդնել երկու կողմերի միջեւ ու բացահայտ ասել, թե ով է խախտել հրադադարը ու ով է լարվածության պատճառը»,- ասել է Շարմազանովը:
Հակամարտությունը պետք է լուծվի ինքնորոշման իրավունքի, նաեւ խաղաղ կարգավորման ու տարածքային ամբողջականության հիման վրա: Միեւնույն ժամանակ բոլորը պետք է հասկանան, որ Լեռնային Ղարաբաղի ժողովրդի ինքնորոշման իրավունքը այլընտրանք չունի, հավելել է Շարմազանովը:
«Կարծում եմ, մշտադիտարկման մեխանիզմների ներդրումից հետո այլեւս կարիք չի լինի խաղաղության կոչեր անել երկու կողմերին, այլ միայն դրանցից մեկին, որը խախտում է հրադադարը»,- շեշտել է նա:
