Մայիսի 24-ին Աստանայում անցկացված Եվրասիական տնտեսական միության (ԵՏՄ) Գործարար խորհրդի երկրորդ նիստում որոշում է կայացվել Վիկտոր Խրիստենկոյին Խորհրդի նախագահի պաշտոնում նշանակելու մասին: Այս մասին հաղորդում է ԵՏՀ մամուլի ծառայությունը:
Վիկտոր Խրիստենկոն եվրասիական ինտեգրման գործընթացների կառուցման մեծ փորձ ունի. վերջին չորս տարիներին՝ մինչեւ այս տարվա փետրվարը, նա գլխավորել է Եվրասիական տնտեսական հանձնաժողովի կոլեգիան:
Գործարար խորհրդի գործունության հիմնական նպատակներն են Միության երկրների գործարար շրջանակների միջեւ երկխոսության հաստատումն ու դիրքորոշումների համակարգումը, ուղղակի կապերի հաստատումը, ԵՏՄ շրջանակում առեւտրա-տնտեսական հարաբերությունների, արդյունաբերական եւ ֆինանսական համագործակցության զարգացմանը նպաստումը, Միության անդամ պետությունների տնտեսության տարբեր ոլորտներում ծրագրերի իրականացումը: