Իսպանիայի իրավապահ մարմինները 2011-ի սկզբից առնվազն 10 ահաբեկչություն են կանխել, հայտնում է La Vanguardia-ն:
Թերթի տեղեկություններով՝ Իսպանիայում ահաբեկչության դեմ պայքարի վերլուծությունը թույլ է տալիս եզրակացնել, որ հարձակման առնվազն 10 փորձ է կանխվել:
Մասնավորապես նախապատրաստվող կանխված ահաբեկչությունների թվում են 2011-ին Անդալուսիայի Կադիս մարզում մի տղամարդու ձերբակալությունը, որը պլանավորում էր թունավորել զբոսաշրջիկների ջրի պահուստները: Բացի այդ, 2015-ի հունվարին՝ Փարիզի ահաբեկչություններից հետո, Իսպանիայի ոստիկանությունը Սեուտայում մի քանի տղամարդու էր ձերբակալել, որոնք ահաբեկչություններ էին նախապատրաստում:
Թերթը հիշեցնում է, որ ԻՊ եւ «Իսլամական Մաղրիբի երկրների Ալ Կաիդա» ահաբեկչական խմբավորումները սկսել են հաճախ սպառնալիքներ հնչեցրել Իսպանիայի հասցեին: Թերթը նաեւ նշում է, որ վտանգը մեծանում է, քանի որ Իսպանիայի քաղաքացիներից շատերը համալրել են ԻՊ շարքերը:
