Տաջիկստանի բոլոր դպրոցներում արգելել են «Հասունության զանգի» (Վերջին զանգ) միջոցառումները: Այս մասին ասված է Տաջիկստանի կրթության եւ գիտության նախարար Նուրիդդին Սաիդի կարգադրության մեջ, փոխանցում է ASIA-Plus-ը:
«Բոլոր հանրակրթական դպրոցներում Զանգի կամոլոտի (Հասունության զանգի) միջոցառումները 9-րդ եւ 11-րդ դասարանների համար արգելված են», — ասված է փաստաթղթում:
Կարգադրության համաձայն՝ հունիսի 7-ին, երբ պետք է կայանար այդ միջոցառումը, պարապմունքներն ընթանալու են սովորական գրաֆիկով առանց հանդիսությունների:
CA-News.org-ը նշում է, որ Տաջիկստանի իշխանություններն ամբողջովին արգելել էին նաեւ ավարտական երեկոները:
