Էներգետիկ ոլորտում հայ-ռուսական համագործակցությունը Ադրբեջանի աճող էներգետիկ էքսպանսիայի եւ Թուրքիայի աճող տարանցիկ դերի պայմաններում, դիվերսիֆիկացիայի կարիք ունի: «Հայ-ռուսական համագործակցություն» հեռուստակամուրջի ընթացքում նման կարծիք է հայտնել Ազգային էներգետիկ անվտանգության ռուսաստանյան հիմնադրամի գլխավոր տնօրեն Կոնստանտին Սիմոնովը:
«Պետք է Ռուսաստանի եւ Հայաստանի էներգետիկ համագործակցության նոր նախագծեր մտածել, քանի որ Հայաստանը առաջիկայում կլինի այն եզակի երկրներից, որոնց էներգետիկ պրոֆիցիտը կազմում է 40-50 տոկոս: Սակայն ստեղծված աշխարհաքաղաքական պայմաններում Հայաստանը դժվար թե կարողանա արտահանել իր էլեկտրաէներգիան, ուստի պետք է դիվերսիֆիկացնի համագործակցությունը Ռուսաստանի հետ այդ ոլորտում»,- ասել է Սիմոնովը՝ ընդգծելով, որ Ռուսաստանը լավ է ներկայացված Հայաստանի էներգետիկ ոլորտում: