Հունաստանի երկու խոշորագոյն նավահանգիստների՝ Պիրեայի ու սալոնիկի աշխատակիցները հայտարարել են 48 ժամյա գործադուլ սկսելու մասին՝ որպես բողոքի նշան նավահանգիստները սեփականաշնորհելու վերաբերյալ կառավարության ծրագրերի դեմ: Այս մասին հայտնել է Աթենքի լրատվական գործակալությունը:
«Երկու խոշորագույն նավահանգիստների սեփականաշնորհումը ճիշտ ազգային քաղաքականության մոդել չէ, այլ հակառակը՝ ուղղված է հունական նավահանգիստների զարգացման դեմ,- նշել է հունական նավահանգիստների աշխատակիցների ֆեդերացիայի նախագահ Յորգոս Գեորգակոպուլոսը,- Մենք կառավարությանը հայտնել ենք, որ ուզում ենք պաշտպանել կայուն աշխատանքի ու աշխատատեղերի մեր իրավունքը»:
Տեղական ժամանակով ժամը 11:00-ին նավահանգիստների աշխատակիցները կհավաքվեն Աթենքի Պիրեյ թաղամասի Կարաիսկակի հրապարակում ու ծովային նավատորմի նախարարության շենքի առջեւ հանրահավաք կանեն:
Միաժամանակ նախարար Տոդորիս Դրիցասը նշում է, որ կառավարության ցանկությունը «նավահանգստի աշխատակիցների համար անվտանգ ու կայուն աշխատանք ապահովելն է»,- հայտնում է ՏԱՍՍ-ը:
