Հայաստանի ԱԻՆ-ում, այսօր՝ մայիսի 26-ին, ժամը 12.30-ին ահազանգ է ստացվել, որ Երեւանի Արշակունյաց պողոտայի թիվ 87 հասցեում գտնվող Ավիացիոն ինստիտուտի մոտակայքում տեղի է ունեցել ավտովթար՝ բախվել են 3 ավտոմեքենա, կա տուժած. անհրաժեշտ է փրկարարների օգնությունը:
Դեպքի վայր են մեկնել երկու մարտական հաշվարկ եւ հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:
Պարզվել է, որ դեռեւս չբացահայտված հանգամանքներում Արշակունյաց պողոտայի թիվ 270/1 հասցեի մոտակայքում բախվել են «Միկի Մաուս» տաքսի ծառայությանը պատկանող «Օպել» մակնիշի 34 TQ 634 համարանիշի (վարորդ՝ 35-ամյա Վ. Մ.), «Ֆոլքսվագեն Գոլֆ» մակնիշի 34 CQ 459 համարանիշի (վարորդ ՝ Ա. Տեր-Թ.) եւ «Տոյոտա Պրադո» մակնիշի 444 OO 02 համարանիշի (Գ. Բ.) ծառայողական ավտոմեքենաները, ինչի հետեւանքով Վ.Մ.-ը հոսպիտալացվել է «Էրեբունի» ԲԿ: