Ճապոնական ավտոընկերությունները Takata-ի անվտանգության բարձիկների անսարքության պատճառով հետ են կանչում երկրում իրացված 7 մլն մեքենա: Այս մասին հայտնել է Ճապոնիայի հողերի, ենթակառուցվածքների եւ տրանսպորտի նախարարությունը, փոխանցում է ՏԱՍՍ-ը:
Թե կոնկրետ որ ավտոկոնցեռններն են հետ կանչում իրենց մեքենաները, չի հաղորդվում: Ճապոնիայի տրանսպորտային գերատեսչության տվյալներով՝ երկրի ներսում Takata ընկերության անվտանգության բարձիկների անսարքության պատճառով հետ կանչված մեքենաների թիվը արդեն հասնում է 19.6 միլիոնի:
Նշենք, որ Takata ճապոնական ընկերությունը սկանդալի մեջ էր հայտնվել 2014-ին: ԱՄՆ իշխանությունները պարզել են, որ այդ ընկերության արտադրած անվտանգության բարձիկները վթարի դեպքում կարող են սխալ բացվել եւ պայթել կամ մետաղական դետալներ շպրտել մեքենայում գտնվող մարդկանց վրա: Աշխարհում այս անսարքության պատճառով հետ կանչված մեքենաների թիվը հատել է 100 միլինոի շեմը: