Մայիսի 24-ին ոստիկանության Չարենցավանի բաժնում հաղորդում էր ստացվել, որ 29-ամյա Վարդուհի Ք.-ի բնակարանի դռան փականը բացելով՝ հյուրասենյակից գողացել են ոսկյա զարդեր` պատճառելով 590.000 դրամի նյութական վնաս:
Ոստիկանության մամուլի ծառայությունից NEWS.am-ին հայտնում են, որ ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ գողությունը կատարել է 25-ամյա Արմիկ Կ.-ն, ով հյուրընկալվել էր Վարդուհի Ք.-ի բնակարանում:
Գողոնը մասամբ առգրավված է:
Կատարվում է քննություն: