ԱՄՆ նախագահ Բարաք Օբաման ծաղկեպսակ է դրել Հիրոսիմայի ատոմային ռմբակոծության զոհերի հիշատակին նվիրված հուշարձանի մոտ, հայտնում է Reuters-ը:
Հաղորդվում է, որ ծաղկեպսակի վրա ճապոներեն գրառում է եկել. «Թող բոլոր հոգիներն այստեղ հանգչեն խաղաղությամբ, քանզի մենք չպետք է կրկնենք այդ չարիքը»,- հայտնում է CNN-ը:
Դրանից հետո նա ելույթ է ունեցել հուշահամալիրում: «Լույսի բռնկումը եւ հրե պատը ոչնչացրեցին քաղաքը՝ ցույց տալով, որ մարդկությունն ինքնաոչնչացման հատկություններ է ձեռք բերել»,- ասել է Օբաման:
Նախագահի խոսքով՝ մարդիկ Հիրոսիմա են գալիս, որպեսզի մտածեն, թե ինչպիսի ավերիչ ուժ է օգտագործվել ոչ այնքան վաղ անցյալում:
