Արտասահմանում միջոցներ ներդնելու արտոնությունները բանկերին կօգնեն երկարաժամկետ եւ հուսալի միջոցներ գրավել: Այս մասին մայիսի 27-ին լրագրողներին ասել է ՀՀ ԿԲ ֆինանսական կայունության եւ զարգացման վարչության պետ Անդրանիկ Գրիգորյանը՝ պատասխանելով NEWS.am-ի թղթակցի հարցին:
Նրա խոսքով՝ ներդրվող միջոցների ռեզերվացիայի մեկնարկային դրույքը կազմում է 20 տոկոս: Սակայն եթե թողարկումը տեղի է ունենում միջազգային բորսաներում, դրույքը նվազում է մինչեւ 0-ի: Եթե ներդրումն ընթանում է հայկական բորսայում կամ լիսթինգ չանցած ընկերություններում, սակայն երկարատեւ ժամկետներում, կիրառվում է իջեցված դրույք՝ 5-10 տոկոս:
2 բանկ արդեն օգտվել է նման արտոնություններից խոշոր մասշտաբներով, սակայն այս կամ այն կերպով դրանից օգտվում են գրեթ բոլոր բանկերը: Արդյունքում, Գրիգորյանի խոսքով, անգամ նախքան այդ միջոցները ներդնելը ռեզերվացիայի դրույքը կազմում էր 12 տոկոս, իսկ հիմա այն ավելի ցածր է: Բանկերը սկսել են երկարաժամկետ միջոցներ գրավել ավելի հուսալի աղբյուրներից: Բացի այդ, դա լուծել է բանկային համակարգում երկարաժամկետ պասիվների բացակայության խնդիրը: Իրենց պարտականությունների մասը երկարաձգելով՝ նրանք ինքները կարող են ավելի երկարաժամկետ վարկեր առաջարկել:
