Հայաստանի հանրային հեռուստառադիոընկերությունը նոր նախագիծ է պատրաստում օտարերկրյա լսարանի համար: Այս մասին մայիսի 27-ին խորհրդարանական հանձնաժողովների նիստում ասել է Հայաստանի Հանրային հեռուստառադիոընկերության խորհրդի նախագահ Ռուբեն Ջաղինյանը:
Նրա խոսքով՝ միջազգային լսարանի համար բավական չեն միայն հայերենով հեռարձակվող նորություններն ու հաղորդումները: Անհրաժեշտ է նաեւ հասկանալ, թե ինչպիսի՞ տեղեկություն է պետք տարածել՝ ռուսերեն, անգլերեն, ֆրանսերեն: «Խնդրի մասշտաբներն այքան մեծ են, որ Հանրային հեուստաընկերության հիմքի վրա ստեղծված առանձին հեռուստաալիք է անհրաժեշտ»,- ասել է Ջաղինյանը:
Նշենք, որ անգլերենով ու ռուսերենով հեռարձակվող հեռուստատեսության մասին խոսակցություններն ակտիվացել են Ադրբեջանի ապրիլյան ագրեսիայից հետո:
