«Մենք ենք տերը մեր երկրի» երկրի նախաձեռնության մեկ տասնյակ անդամներ այսօր՝ մայիսի 27-ին, Ազատության հրապարակից երթ անցկացրին դեպի Մաշտոցի պողոտայում գտնվող Փակ շուկա:
«Որոշել ենք այս անգամ գնալ «Փակ շուկա» քանի որ այն պատկանում է այն օլիգարխներից մեկին, որից պահանջում ենք իր թալանածը հատկացնել բանակին ու զոհված զինծառայողների ընտանիքներին: Մենք պահանջում ենք նաեւ աշխատանքից ազատել արտգործնախարար Էդվարդ Նալբանդյանին, պաշտպանության նախարար Սեյրան Օհանյանին, գլխավոր շտաբի պետ Յուրի Խաչատուրովին ու նրա տեղակալ Հայկազ Բաղմանյանին»,- NEWS.am-ի հետ զրույցում ասաց ակցիայի մասնակիցներից Ներսես Գեւորգյանը:
Ակցիայի մասնակիցները Ազատության հրապարակից «Փակ շուկայի» մոտ հասան առանց երթով, ճանապարհին իրենց պահանջներով թռուցիկներ բաժանելով: Երթն անցավ առանց միջադեպերի:
Ակցիայի մասնակիցներն իրենց պահանջը եւս մեկ անգամ ընթերցեցին «Փակ շուկայի» մոտ եւ այդքանով ավարտեցին ակցիան: