Պակիստանի Իսլամական գաղափարախոսության խորհուրդն առաջարկել է ամուսիններին թույլատրել «թեթեւակի ծեծել» իրենց կանանց, եթե նրանք չեն հագնվում՝ ինչպես ամուսինն է ուզում կամ հրաժարվում են սեքսից:
Ըստ The Daily Mail-ի, Խորհուրդը Պակիստանի Սահմանադրական մարմինն է, բայց կարող է միայն խորհրդատվություն տրամադրել կառավարությանը, իսկ օրենքներ ընդունել չի կարող:
Նոր գաղափարախոսության համաձայն, կնոջը կարելի է ծեծել, եթե նա հրաժարվում է սեքսից, չի ուզում լողանալ, հիջաբ չի հագնում կամ շատ բարձր է խոսում:
Կանայք չեն կարող ծառայել, ողջունել օտարերկրյա պատվիրակություններին եւ աշխատել գովազդում, սակայն կարող են քաղաքականությամբ զբաղվել: Իսկ նրանք, ովքեր կնոջը կստիպեն ամուսնանալ, 10 տարով բանտ կնստեն:
Նշվում է, որ Խորհրդի միակ կին անդամը ներկա չի գտնվել այս հարցով քննարկումներին:
