Հայաստանի բանկերի ընդհանուր շահութաբերությունը, ըստ ֆինանսական հաշվետվությունների միջազգային ստանդարտների (IFRS), 2015 թվականին կազմել է 17.7 մլրդ դրամ (ընթացիկ փոխարժեքով՝ 37 մլն դոլար - խմբ.): Այս մասին ասված է 2015 թվականին ֆինանսական կայունության մասին Հայաստանի Կենտրոնական բանկի հրապարակած հաշվետվությունում:
Ակտիվների եւ կապիտալի նկատմամբ շահութաբերությունը (RoA, RoE) կազմել է, համապատասխանաբար, 0.5% ¨ 3.5%:
Սակայն, ԿԲ-ի ստանդարտներով, բանկային համակարգը աշխատել է 20.7 մլրդ դրամի վնասով, միաժամանակ, շահույթով աշխատել է 15 բանկ, վնասով՝ 7-ը: RoA-ի եւ RoE-ի ցուցանիշները կազմել են, համապատասխանաբար, -0.6% եւ -4.3% (նախորդող տարում՝ 0.7% եւ 4.5%):
Ակտիվների նկատմամբ շահութաբերությունը նվազել է վարկային պորտֆելի վերադարձնելիության եւ տրամադրվող միջոցների ծախսատարության աճի պատճառով:
Նշենք, որ 2015 թվականին չաշխատող վարկերի եւ դեբիտորական պարտավորությունների մասնաբաժինը Հայաստանի բանկային համակարգում աճել է 1 տոկոսայի կետով՝ հասնելով 7.4%-ի: