Հայաստանի ԱԻՆ-ում, մայիսի 27-ին, ժամը 11.20-ին ահազանգ է ստացվել, որ Գեղարքունիքի մարզի Փոքր Մասրիկ-Գեղամասար ավտոճանապարհին հարակից ժայռից առկա է ջրի հոսք, որը ավտոճանապարհը դարձրել է դժվարանցանելի. անհրաժեշտ է օգնություն:
Դեպքի վայր է մեկնել Վարդենիսի հրշեջ փրկարարական ջոկատի օպերատիվ խումբը:
Դեպքի մասին տեղեկացվել են Փոքր Մասրիկի եւ Նորակերտի գյուղապետերը, ՃԿԱԿ-ում բնապահպանության նախարարության ներկայացուցիչը եւ մարզպետարանի Տրանսպորտի եւ ՃՇՇ բաժնի վարիչը:
Պարզվել է, որ Փոքր Մասրիկ-Գեղամասար ավտոճանապարհի 8-րդ կմ-ին սելավաջրերը դուրս են եկել սելավատարից:
Փրկարարները փոխել են ջրի հոսքի ուղղությունը` դեպի հարակից դաշտերը: