Իրանը ավիակերոսինի մատակարարման ավելի շատ պատվերներ է ստանում Հայաստանից, Տաջիկստանից եւ Աֆղանստանից: Այս մասին ասել է Իրանի նավթամթերքների բաշխման ազգային ընկերության արտահանման եւ ներմուծման հարցերով տնօրեն Էսմայիլ Էշամ Ֆիրուզը:
«Անցյալ տարի Իրանը ավիակերոսին է արտահանել Աֆղանստան, Հայաստան եւ Իրաքի Քրդստան,իսկ այս տարի դրանց ավելացել է Տաջիկստանը»,- հավելել է նա:
2015-ին Իրանից ավիակերոսինի արտահանումը 5 անգամ մեծացել է, հայտնում է Fars-ը:
2015թ. մարտի 21-ից հոկտեմբերի 22-ը Իրանն Աֆղանստան ու Հայաստան է արտահանել 7.5 հազար տոննա ավիակերոսին, հայտնել է ընկերության կառավարող տնօրեն Նասեր Սաջադին:
