Մարսելում բացվել է «Հայոց ցեղասպանությունը միջազգային մամուլի էջերում» ցուցահանդեսը, հայտնում է Nouvelles d’Armenie-ն:
Սահակ-Մեսրոպ մշակութային կենտրոնում բացված ցուցահանդեսին ներկա է եղել նաեւ Ցեղասպանության թանգարան-ինստիտուտի տնօրեն Հայկ Դեմոյանը եւ Մարսելում Հայաստանի դեսպան Սամվել Լալայանը:
Բացումից հետո Դեմոյանը ելույթ է ունեցել: «Մինչ Անկարան ժխտում է Ցեղասպանությունը, պաշտոնական թուրք փսեւդոպատմաբանները շատ կընդլայնեին իրենց աշխարհայացքը՝ կարդալով այս թերթերից որոշ հատվածներ»,- ասել է Դեմոյանը:
Ամբողջ աշխարհի մամուլն արդեն գիտեր՝ Հայոց ցեղասպանությունը պլանավորված է եղել Օսմանյան կառավարության կողմից: Ամեն օր օտարերկրյա թերթերն աղաղակում էին հայերի ջարդերի եւ հայ ազգին բնաջնջելու երիտթուրքերի ցանկության մասին: