Մայիսի 29-ի գիշերը ոստիկանության Մաշտոցի բաժնի՝ ահազանգով դեպքի վայր մեկնած օպերատիվ խումբը Մազմանյան փողոցի թիվ 5/13 հասցեում գտնվող գեղեցկության սրահից, գողության փորձ կատարելու պահին, բռնել եւ բերման է ենթարկել 23-ամյա Իշխան Ա.-ին:
Ոստիկանության մամուլի ծառայությունից NEWS.am-ին հայտնում են, որ պարզվել է, որ նա ժամը 3-ին տեխնիկական միջոցների գործադրմամբ քանդել է Մազմանյան փողոցի թիվ 5/12 հասցեում գործող ծաղկի սրահի հետնամասի երկաթյա դռան փականը, սակայն չկարողանալով բացել՝ կոտրել եւ բացել է Մազմանյան փողոցի թիվ 5/13 հասցեում գտնվող գեղեցկության սրահի պատուհանը, մտել ներս եւ սրահում տեղադրված բանկոմատը կոտրելով` փորձել գողություն կատարել:
Իշխան Ա.- ձերբակալված է:
Կատարվում է քննություն:
